ਬਿੱਗ ਬੌਸ 19 ਲਈ ਫੈਨਾਂ ਨੂੰ ਖੁਸ਼ਖਬਰੀ! ਦੇਖੋ…..

ਸ਼ਹਿਬਾਜ਼ ਬਦੇਸ਼ਾ ਆਪਣੇ ਗਾਇਕੀ ਅਤੇ ਸੰਗੀਤਕ ਪ੍ਰੋਜੈਕਟਾਂ ਕਰਕੇ ਪਹਿਲਾਂ ਹੀ ਲੋਕਾਂ ਵਿੱਚ ਜਾਣੇ ਜਾਂਦੇ ਹਨ। ਉਹ ਆਪਣੀ ਭੈਣ ਸ਼ਹਿਨਾਜ਼ ਗਿੱਲ ਨਾਲ ਅਕਸਰ ਹਰ ਸਮਾਰੋਹ ਤੇ ਇਵੈਂਟ ਵਿੱਚ ਇਕੱਠੇ ਨਜ਼ਰ ਆਉਂਦੇ ਹਨ। ਉਨ੍ਹਾਂ ਦੇ ਮਸ਼ਹੂਰ ਗੀਤਾਂ ਵਿੱਚ ‘ਨਖਰੋ’, ‘ਲਿਟਲ ਸਟਾਰ’ ਅਤੇ ‘ਮੇਰੀ ਬਹਿਨਾ’ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਦਰਸ਼ਕਾਂ ਵੱਲੋਂ ਵੱਡਾ ਪਿਆਰ ਮਿਲਿਆ। ਸਿਧਾਰਥ ਸ਼ੁਕਲਾ ਦੀ ਅਚਾਨਕ ਮੌਤ ਤੋਂ ਬਾਅਦ ਜਦੋਂ ਸ਼ਹਿਨਾਜ਼ ਗਿੱਲ ਬਹੁਤ ਮੁਸ਼ਕਲ ਸਮੇਂ ਵਿੱਚ ਸੀ, ਤਦ ਸ਼ਹਿਬਾਜ਼ ਨੇ ਆਪਣੀ ਭੈਣ ਨੂੰ ਹੌਸਲਾ ਦਿੱਤਾ ਅਤੇ ਉਸਦਾ ਸਾਥ ਨਿਭਾਇਆ। ਇਸੇ ਸਹਾਰੇ ਨਾਲ ਹੀ ਸ਼ਹਿਨਾਜ਼ ਨੇ ਮੁੜ ਆਪਣੇ ਕਰੀਅਰ ਨੂੰ ਨਵੇਂ ਰੰਗਾਂ ਨਾਲ ਅੱਗੇ ਵਧਾਇਆ।

ਬਿੱਗ ਬੌਸ 19 ਦੀ ਸ਼ੁਰੂਆਤ 24 ਸਤੰਬਰ ਤੋਂ

ਰਿਐਲਟੀ ਸ਼ੋਅ ਬਿੱਗ ਬੌਸ ਸੀਜ਼ਨ 19 ਦੀ ਸ਼ੁਰੂਆਤ 24 ਸਤੰਬਰ ਨੂੰ ਹੋਣ ਜਾ ਰਹੀ ਹੈ। ਹਾਲਾਂਕਿ, ਸ਼ੋਅ ਵਿੱਚ ਸ਼ਾਮਲ ਹੋਣ ਵਾਲੇ ਹੋਰ ਪ੍ਰਤੀਭਾਗੀਆਂ ਦੇ ਨਾਮ ਅਜੇ ਸਾਹਮਣੇ ਨਹੀਂ ਆਏ ਹਨ, ਪਰ ਸ਼ਹਿਬਾਜ਼ ਬਦੇਸ਼ਾ ਦਾ ਨਾਮ ਚਰਚਾ ਵਿੱਚ ਹੈ। ਮਿਲੀ ਜਾਣਕਾਰੀ ਮੁਤਾਬਕ, ਉਹ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਰਾਹੀਂ ਵੀ ਇਹ ਇਸ਼ਾਰਾ ਕਰ ਚੁੱਕੇ ਹਨ ਕਿ ਉਹ ਬਿੱਗ ਬੌਸ 19 ਵਿੱਚ ਦਰਸ਼ਕਾਂ ਦੇ ਸਾਹਮਣੇ ਨਜ਼ਰ ਆ ਸਕਦੇ ਹਨ। ਦਰਸ਼ਕਾਂ ਨੂੰ ਹੁਣ ਇਸ ਗੱਲ ਦੀ ਉਡੀਕ ਹੈ ਕਿ ਸ਼ਹਿਬਾਜ਼ ਘਰ ਵਿੱਚ ਕਿਵੇਂ ਖੇਡ ਦਿਖਾਉਣਗੇ ਤੇ ਆਪਣੇ ਪ੍ਰਸ਼ੰਸਕਾਂ ਦਾ ਦਿਲ ਕਿਵੇਂ ਜਿੱਤਣਗੇ।