ਚੰਡੀਗੜ੍ਹ :- ਸਰਦੀਆਂ ਦੀ ਸ਼ੁਰੂਆਤ ਨਾਲ ਹੀ ਲੋਕ ਆਪਣੀ ਦਿਨ ਚਰਿਆ ਵਿੱਚ ਗੁੜ ਨੂੰ ਖ਼ਾਸ ਤੌਰ ‘ਤੇ ਸ਼ਾਮਲ ਕਰਦੇ ਹਨ। ਗੁੜ ਨਾ ਸਿਰਫ਼ ਸਰੀਰ ਨੂੰ ਗਰਮੀ ਦਿੰਦਾ ਹੈ, ਬਲਕਿ ਰੋਗ-ਰੋਧਕ ਤਾਕਤ ਵਧਾਉਣ ਤੋਂ ਲੈ ਕੇ ਭਾਰ ਘਟਾਉਣ ਤੱਕ ਕਈ ਸਿਹਤ ਲਾਭਾਂ ਦਾ ਖਜ਼ਾਨਾ ਹੈ। ਖ਼ਾਸ ਕਰਕੇ ਗੁੜ ਦੀ ਬਣੀ ਚਾਹ ਨੂੰ ਸਰਦੀਆਂ ਦਾ ਕੁਦਰਤੀ ਟੋਨਿਕ ਮੰਨਿਆ ਜਾਂਦਾ ਹੈ।
ਗੁੜ ਵਿੱਚ ਲੁਕੇ ਪੋਸ਼ਕ ਤੱਤ
ਗੁੜ ਵਿੱਚ ਬੇਹੱਦ ਕੀਮਤੀ ਤੱਤ ਪਾਏ ਜਾਂਦੇ ਹਨ, ਜੋ ਸਰੀਰ ਨੂੰ ਬਲ ਅਤੇ ਤਾਕਤ ਪ੍ਰਦਾਨ ਕਰਦੇ ਹਨ।
ਇਸ ਵਿਚ ਸ਼ਾਮਲ ਹਨ:
-
ਆਇਰਨ, ਪੋਟਾਸ਼ੀਅਮ, ਮੈਗਨੀਸ਼ੀਅਮ
-
ਪ੍ਰੋਟੀਨ ਅਤੇ ਗੁੱਡ ਫੈਟ
-
ਵਿਟਾਮਿਨ ਬੀ, ਕੈਲਸ਼ੀਅਮ, ਫਾਸਫੋਰਸ
-
ਜਿੰਕ, ਕਾਪਰ ਅਤੇ ਲਗਭਗ 70% ਸੁਕਰੋਸ
ਇਹ ਤੱਤ ਸਰੀਰ ਵਿੱਚ ਖ਼ੂਨ ਦੀ ਗੁਣਵੱਤਾ ਵਧਾਉਣ ਤੋਂ ਲੈ ਕੇ ਤਾਕਤ ਬਣਾਈ ਰੱਖਣ ਵਿੱਚ ਮਦਦ ਕਰਦੇ ਹਨ।
ਪਾਚਨ ਤੰਤਰ ਲਈ ਕੁਦਰਤੀ ਦਵਾਈ
ਗੁੜ ਦੀ ਚਾਹ ਹਜ਼ਮ ਨੂੰ ਸੁਧਾਰਦੀ ਹੈ ਅਤੇ ਉਹਨਾਂ ਲੋਕਾਂ ਲਈ ਲਾਭਦਾਇਕ ਹੈ ਜਿਨ੍ਹਾਂ ਨੂੰ ਅਕਸਰ ਛਾਤੀ ਦੀ ਜਲਣ ਜਾਂ ਭਾਰੀਪਨ ਮਹਿਸੂਸ ਹੁੰਦਾ ਹੈ। ਭੋਜਨ ਤੋਂ ਬਾਅਦ ਇੱਕ ਛੋਟਾ ਟੁੱਕੜਾ ਗੁੜ ਪਾਣੀ ਨਾਲ ਖਾਣ ਨਾਲ ਪੇਟ ਹਲਕਾ ਅਤੇ ਆਰਾਮਦਾਇਕ ਮਹਿਸੂਸ ਹੁੰਦਾ ਹੈ।
ਮਾਈਗ੍ਰੇਨ ਅਤੇ ਸਿਰਦਰਦ ਵਿੱਚ ਰਾਹਤ
ਜਿਨ੍ਹਾਂ ਲੋਕਾਂ ਨੂੰ ਮਾਈਗ੍ਰੇਨ ਜਾਂ ਤਿੱਖੇ ਸਿਰਦਰਦ ਦਾ ਸਮੱਸਿਆ ਹੁੰਦੀ ਹੈ, ਉਹ ਗੁੜ ਦੀ ਚਾਹ ਵਿੱਚ ਗਾਂ ਦੇ ਦੁੱਧ ਦੀ ਮਿਲਾਵਟ ਨਾਲ ਖ਼ਾਸ ਫ਼ਾਇਦਾ ਪ੍ਰਾਪਤ ਕਰ ਸਕਦੇ ਹਨ। ਆਇਰਨ ਦੀ ਕਮੀ ਵਾਲੇ ਮਰੀਜ਼ਾਂ ਲਈ ਵੀ ਗੁੜ ਇਕ ਕੁਦਰਤੀ ਸਪਲੀਮੈਂਟ ਸਾਬਤ ਹੁੰਦਾ ਹੈ।
ਭੁੱਖ ‘ਚ ਕਮੀ ਅਤੇ ਸਰੀਰ ਨੂੰ ਐਨਰਜੀ
ਸਵੇਰੇ ਗੁੜ ਦੀ ਚਾਹ ਪੀਣ ਨਾਲ ਸਰੀਰ ਨੂੰ ਉਹ ਤੱਤ ਮਿਲ ਜਾਂਦੇ ਹਨ ਜੋ ਲੰਬੇ ਸਮੇਂ ਤੱਕ ਭੁੱਖ ਨੂੰ ਕੰਟਰੋਲ ਕਰਦੇ ਹਨ। ਪੋਟਾਸ਼ੀਅਮ ਤੇ ਮੈਗਨੀਸ਼ੀਅਮ ਦੀ ਉਚੀ ਮਾਤਰਾ ਸਰੀਰ ਨੂੰ ਸਾਰਾ ਦਿਨ ਐਕਟਿਵ ਅਤੇ ਫੁਰਤੀਲਾ ਰੱਖਦੀ ਹੈ।
ਭਾਰ ਕਾਬੂ ਕਰਨ ਵਿੱਚ ਸਹਾਇਕ
ਗੁੜ ਵਿੱਚ ਮੌਜੂਦ ਵਿਟਾਮਿਨ-ਬੀ1, ਬੀ6 ਅਤੇ ਵਿਟਾਮਿਨ-ਸੀ ਸਰੀਰ ਦੀ ਵਾਧੂ ਕੈਲੋਰੀ ਨੂੰ ਬਰਨ ਕਰਨ ਵਿੱਚ ਮਦਦ ਕਰਦੇ ਹਨ। ਇਸੀ ਕਾਰਨ ਗੁੜ ਦੀ ਚਾਹ ਭਾਰ ਘਟਾਉਣ ਵਾਲੇ ਲੋਕਾਂ ਵਿੱਚ ਬਹੁਤ ਲੋਕਪ੍ਰੀਅ ਹੈ।
ਢਿੱਡ ਨਾਲ ਜੁੜੀਆਂ ਪਰੇਸ਼ਾਨੀਆਂ ਤੋਂ ਮੁਕਤੀ
ਜੇਕਰ ਕਿਸੇ ਨੂੰ ਗੈਸ, ਖੱਟੀ ਡਕਾਰ, ਅਪਚ ਜਾਂ ਕਬਜ਼ ਦੀ ਸ਼ਿਕਾਇਤ ਰਹਿੰਦੀ ਹੈ, ਤਾਂ ਰਾਤ ਨੂੰ ਖਾਣੇ ਤੋਂ ਕੁਝ ਸਮਾਂ ਬਾਅਦ ਗੁੜ ਖਾਣ ਨਾਲ ਕਾਫ਼ੀ ਰਾਹਤ ਮਿਲਦੀ ਹੈ। ਗਰਮ ਪਾਣੀ ਦੇ ਨਾਲ ਗੁੜ ਦਾ ਸੇਵਨ ਪੇਟ ਦੀਆਂ ਗੜਬੜਾਂ ਨੂੰ ਦੂਰ ਕਰਨ ਵਿੱਚ ਤੇਜ਼ੀ ਨਾਲ ਪ੍ਰਭਾਵਸ਼ਾਲੀ ਹੁੰਦਾ ਹੈ।
ਸਰਦੀਆਂ ਵਿੱਚ ਗੁੜ, ਐਨਰਜੀ ਦਾ ਕੁਦਰਤੀ ਸਰੋਤ
ਠੰਢ ਦੇ ਮੌਸਮ ਵਿੱਚ ਜਿੱਥੇ ਸਰੀਰ ਕਮਜ਼ੋਰ ਪੈਂਦਾ ਹੈ, ਓਥੇ ਗੁੜ ਇੱਕ ਅਜਿਹਾ ਭੋਜਨ ਤੱਤ ਹੈ ਜੋ ਸਰੀਰ ਨੂੰ ਗਰਮੀ, ਤਾਕਤ ਅਤੇ ਰੋਗ-ਰੋਧਕ ਤਾਕਤ ਤਿੰਨੇ ਇੱਕੋ ਵਾਰ ਦੇ ਸਕਦਾ ਹੈ।
