ਮੱਧ ਪ੍ਰਦੇਸ਼ :- ਮੱਧ ਪ੍ਰਦੇਸ਼ ਦੇ ਰਾਏਸੇਨ ਜ਼ਿਲ੍ਹੇ ਵਿੱਚ ਸੋਮਵਾਰ ਨੂੰ ਬਰੇਲੀ–ਪਿਪਰੀਆ ਰੋਡ ‘ਤੇ ਉਸ ਵੇਲੇ ਹੜਕੰਪ ਮਚ ਗਿਆ ਜਦੋਂ ਤਕਰੀਬਨ 35 ਸਾਲ ਪੁਰਾਣਾ ਨਯਾਗਾਓਂ ਪੁਲ ਅਚਾਨਕ ਢਹਿ ਗਿਆ। ਘਟਨਾ ਲਗਭਗ 11:15 ਵਜੇ ਵਾਪਰੀ, ਜਦੋਂ ਪੁਲ ‘ਤੇ ਆਵਾਜਾਈ ਸਧਾਰਨ ਤਰ੍ਹਾਂ ਜਾਰੀ ਸੀ। ਪੁਲ ਦੇ ਡਿੱਗਣ ਨਾਲ ਇਸ ਉੱਤੇ ਤੋਂ ਲੰਘ ਰਹੀਆਂ ਦੋ ਮੋਟਰਸਾਈਕਲਾਂ ਅਤੇ ਉਨ੍ਹਾਂ ‘ਤੇ ਸਵਾਰ ਲੋਕ ਹੇਠਾਂ ਨੀਂਹ ਵਿੱਚ ਜਾ ਪਏ। ਹਾਦਸੇ ਵਿੱਚ ਚਾਰ ਲੋਕ ਜ਼ਖਮੀ ਹੋਏ ਹਨ।
ਪੁਲ ਡਿੱਗਣ ਵੇਲੇ ਦੋ ਮੋਟਰਸਾਈਕਲ ਸਵਾਰ ਵੀ ਡਿੱਗੇ
ਪੁਲਸ ਦੇ ਅਨੁਸਾਰ, ਹਾਦਸੇ ਦੇ ਸਮੇਂ ਦੋ ਬਾਈਕਾਂ ਪੁਲ ਤੋਂ ਲੰਘ ਰਹੀਆਂ ਸਨ ਇਕ ਸਿਹੋਰ ਜ਼ਿਲ੍ਹੇ ਦੇ ਨਿਵਾਸੀ ਦੀ, ਜਦੋਂ ਕਿ ਦੂਜੀ ਬਰੇਲੀ ਦੇ ਰਹਿਣ ਵਾਲੇ ਕੋਲ ਸੀ। ਪੁਲ ਟੁੱਟਦੇ ਹੀ ਦੋਵੇਂ ਵਾਹਨ ਸਮੇਤ ਸਵਾਰ ਹੇਠਾਂ ਡਿੱਗ ਗਏ। ਮੌਕੇ ‘ਤੇ ਮੌਜੂਦ ਰਾਹਗੀਰਾਂ ਅਤੇ ਨੇੜਲੇ ਪਿੰਡ ਵਾਸੀਆਂ ਨੇ ਜ਼ਖਮੀਆਂ ਨੂੰ ਤੁਰੰਤ ਬਾਹਰ ਕੱਢ ਕੇ ਸਿਵਲ ਹਸਪਤਾਲ ਬਰੇਲੀ ਪਹੁੰਚਾਇਆ, ਜਿੱਥੇ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ।
ਮੁਰੰਮਤ ਕੰਮ ਦੌਰਾਨ ਮਜ਼ਦੂਰ ਵੀ ਹਾਦਸੇ ਦੀ ਚਪੇਟ ‘ਚ
ਜਾਣਕਾਰੀ ਮੁਤਾਬਕ, ਜਦੋਂ ਪੁਲ ਢਹਿੰਦਾ, ਉਸ ਸਮੇਂ ਇਸਦੇ ਹੇਠਾਂ ਮੁਰੰਮਤ ਦਾ ਕੰਮ ਜਾਰੀ ਸੀ। ਮਜ਼ਦੂਰਾਂ ਨੇ ਪੁਲ ਦੇ ਹਿਲਣ ਦੀ ਆਵਾਜ਼ ਸੁਣਦੇ ਹੀ ਭੱਜ ਕੇ ਆਪਣੀ ਜਾਨ ਬਚਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਇਸ ਦੇ ਬਾਵਜੂਦ ਕੁਝ ਮਜ਼ਦੂਰ ਜ਼ਖਮੀ ਹੋ ਗਏ। ਖੁਸ਼ਕਿਸਮਤੀ ਇਹ ਰਹੀ ਕਿ ਹਾਦਸਾ ਭਾਵੇਂ ਭਿਆਨਕ ਸੀ, ਪਰ ਕਿਸੇ ਦੀ ਜਾਨ ਨਹੀਂ ਗਈ।
ਅਧਿਕਾਰੀ ਤੁਰੰਤ ਮੌਕੇ ‘ਤੇ ਰਾਹਤ ਅਤੇ ਬਚਾਅ ਕੰਮ ਤੇਜ਼ੀ ਨਾਲ ਸ਼ੁਰੂ
ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਜ਼ਿਲ੍ਹਾ ਪ੍ਰਸ਼ਾਸਨ ਮੋਕੇ ‘ਤੇ ਪਹੁੰਚ ਗਿਆ। ਕਲੈਕਟਰ ਅਰੁਣ ਵਿਸ਼ਵਕਰਮਾ, ਐੱਸ.ਪੀ. ਆਸ਼ੂਤੋਸ਼ ਗੁਪਤਾ, ਬਰੇਲੀ ਐਸਡੀਐਮ ਅਤੇ ਤਹਿਸੀਲਦਾਰ ਦੀ ਟੀਮ ਨੇ ਸਥਿਤੀ ਦਾ ਜਾਇਜ਼ਾ ਲਿਆ ਅਤੇ ਤੁਰੰਤ ਬਚਾਅ ਕਾਰਜ ਸ਼ੁਰੂ ਕਰਵਾਇਆ।
ਕਲੈਕਟਰ ਅਰੁਣ ਕੁਮਾਰ ਵਿਸ਼ਵਕਰਮਾ ਹਸਪਤਾਲ ਵੀ ਪਹੁੰਚੇ ਅਤੇ ਜ਼ਖਮੀਆਂ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਦਾ ਹਾਲ-ਚਾਲ ਪੂਛਿਆ। ਉਨ੍ਹਾਂ ਨੇ ਮੈਡੀਕਲ ਸਟਾਫ਼ ਨੂੰ ਨਿਰਦੇਸ਼ ਦਿੱਤੇ ਕਿ ਇਲਾਜ ਵਿੱਚ ਕੋਈ ਕਮੀ ਨਾ ਛੱਡੀ ਜਾਵੇ ਅਤੇ ਪ੍ਰਸ਼ਾਸਨ ਵੱਲੋਂ ਹਰ ਸੰਭਵ ਮਦਦ ਮੁਹੱਈਆ ਕਰਵਾਈ ਜਾਵੇ।
ਰਸਤੇ ਬੰਦ, ਜਾਂਚ ਸ਼ੁਰੂ
ਪੁਲ ਦੇ ਡਿੱਗਣ ਤੋਂ ਬਾਅਦ ਬਰੇਲੀ–ਪਿਪਰੀਆ ਰੋਡ ‘ਤੇ ਆਵਾਜਾਈ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੀ ਗਈ ਹੈ। ਤਕਨੀਕੀ ਟੀਮ ਪੁਲ ਦੀ ਸਥਿਤੀ ਅਤੇ ਡਿੱਗਣ ਦੇ ਕਾਰਨ ਦੀ ਜਾਂਚ ਕਰ ਰਹੀ ਹੈ। ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਰਿਪੋਰਟ ਸਾਹਮਣੇ ਆਉਣ ਤੋਂ ਬਾਅਦ ਹੀ ਅੱਗੇ ਦੀ ਕਾਰਵਾਈ ਤੈਅ ਹੋਵੇਗੀ।
