ਨਵੀਂ ਦਿੱਲੀ :- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਆਪਣੀ ਮਹੀਨਾਵਾਰ ਰੇਡੀਓ ਸ੍ਰੰਖਲਾ ‘ਮਨ ਕੀ ਬਾਤ’ ਦੇ 128ਵੇਂ ਸੰਸਕਰਣ ਰਾਹੀਂ ਦੇਸ਼ ਨਾਲ ਸਿੱਧੀ ਗੱਲਬਾਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਨਵੰਬਰ ਮਹੀਨੇ ਦੇ ਪ੍ਰੇਰਕ ਕਿਸਸਿਆਂ, ਰਾਸ਼ਟਰੀ ਪ੍ਰਾਪਤੀਆਂ ਅਤੇ ਖ਼ਾਸ ਤੌਰ ’ਤੇ ਨੌਜਵਾਨ ਪੀੜ੍ਹੀ (Gen-Z) ਦੀ ਭੂਮਿਕਾ ’ਤੇ ਧਿਆਨ ਕੇਂਦਰਿਤ ਕੀਤਾ।
Gen-Z ਦੀ ਜ਼ਜਬੇਦਾਰ ਨਵੀਨਤਾ ਅਤੇ ISRO ਦਾ ਵਿਲੱਖਣ ਡਰੋਨ ਚੈਲੇਂਜ
ਪੀਐਮ ਮੋਦੀ ਨੇ ਇਕ ਅਜਿਹੇ ਵੀਡੀਓ ਦਾ ਜ਼ਿਕਰ ਕੀਤਾ ਜਿਸ ਨੇ ਉਨ੍ਹਾਂ ਦਾ ਧਿਆਨ ਖਿੱਚਿਆ। ਇਹ ਵੀਡੀਓ ISRO ਵੱਲੋਂ ਕਰਵਾਏ ਗਏ ਇਕ ਵਿਸ਼ੇਸ਼ ਡਰੋਨ ਮੁਕਾਬਲੇ ਦੀ ਸੀ, ਜਿੱਥੇ ਨੌਜਵਾਨਾਂ ਨੂੰ ਮੰਗਲ ਗ੍ਰਹਿ ਵਰਗੇ ਹਾਲਾਤਾਂ ਵਿੱਚ ਡਰੋਨ ਉਡਾਉਣ ਦੀ ਚੁਣੌਤੀ ਦਿੱਤੀ ਗਈ ਸੀ।
ਮੰਗਲ ’ਤੇ GPS ਨਾ ਹੋਣ ਕਰਕੇ ਭਾਗੀਦਾਰਾਂ ਨੂੰ ਕੇਵਲ ਕੈਮਰੇ ਅਤੇ ਬਣੇ-ਬਣਾਏ ਸੌਫਟਵੇਅਰ ਦੇ ਸਹਾਰੇ ਡਰੋਨ ਚਲਾਉਣਾ ਪਿਆ। ਪੁਣੇ ਦੀ ਇਕ ਨੌਜਵਾਨ ਟੀਮ ਨੇ ਕਈ ਵਾਰ ਡਰੋਨ ਡਿੱਗਣ ਦੇ ਬਾਵਜੂਦ ਹੌਸਲਾ ਨਾ ਛੱਡਿਆ ਤੇ ਅੰਤ ਵਿੱਚ ਸਫਲਤਾ ਹੀਰ ਲਈ। ਪੀਐਮ ਨੇ ਕਿਹਾ ਕਿ ਇਹ ਨੌਜਵਾਨੀ ਦਾ ਜੋਸ਼, ਅਡਿੱਗਤਾ ਅਤੇ ਭਾਰਤ ਦੀ ਨਵੀਨ ਸੋਚ ਦਾ ਜੀਤਾ ਜਾਗਦਾ ਪ੍ਰਤੀਕ ਹੈ।
ਖੇਤੀਬਾੜੀ ਵਿੱਚ ਇਤਿਹਾਸਕ ਵਾਧਾ
ਚਰਚਾ ਦੇ ਦੌਰਾਨ ਪੀਐਮ ਮੋਦੀ ਨੇ ਖੇਤੀ ਖੇਤਰ ਵਿੱਚ ਭਾਰਤ ਦੀ ਸਭ ਤੋਂ ਵੱਡੀ ਪ੍ਰਾਪਤੀ ਦਾ ਵੀ ਜ਼ਿਕਰ ਕੀਤਾ। ਭਾਰਤ ਨੇ 357 ਮਿਲੀਅਨ ਟਨ ਅਨਾਜ ਉਤਪਾਦਨ ਕਰਕੇ ਇੱਕ ਇਤਿਹਾਸਕ ਰਿਕਾਰਡ ਬਣਾ ਦਿੱਤਾ ਹੈ—ਇਹ 10 ਸਾਲ ਪਹਿਲਾਂ ਦੇ ਮੁਕਾਬਲੇ 100 ਮਿਲੀਅਨ ਟਨ ਵੱਧ ਹੈ।
ਉਨ੍ਹਾਂ ਕਿਹਾ ਕਿ ਇਹ ਕਿਸਾਨਾਂ ਦੀ ਮਿਹਨਤ, ਤਕਨੀਕ ਦੇ ਨਵੇਂ ਉਪਯੋਗ ਅਤੇ ਸਰਕਾਰੀ ਯਤਨਾਂ ਦਾ ਪਰਿਣਾਮ ਹੈ।
ਜਲ, ਨਾਭਿਕ ਅਤੇ ਰੱਖਿਆ ਖੇਤਰ – ਨਵੀਆਂ ਤਾਕਤਾਂ ਦਾ ਸੰਚਾਰ
ਦੇਸ਼ ਦੀ ਰੱਖਿਆ ਤਾਕਤ ਨੂੰ ਮਜ਼ਬੂਤ ਕਰਦਿਆਂ ਪਿਛਲੇ ਹਫ਼ਤੇ ਮੁੰਬਈ ਵਿੱਚ INS ‘ਮਾਹੇ’ ਨੂੰ ਭਾਰਤੀ ਨੌਸੈਨਾ ਦੇ ਬੇੜੇ ਵਿੱਚ ਸ਼ਾਮਲ ਕੀਤਾ ਗਿਆ। ਇਸ ਦੇ ਨਾਲ ਹੀ ਹੈਦਰਾਬਾਦ ਵਿੱਚ ਦੁਨੀਆ ਦੀ ਸਭ ਤੋਂ ਵੱਡੀ ਲੀਪ ਇੰਜਣ MRO ਸਹੂਲਤ ਦਾ ਉਦਘਾਟਨ ਕੀਤਾ ਗਿਆ, ਜਿਸ ਨਾਲ ਭਾਰਤ ਵਿਸ਼ਵ ਪੱਧਰੀ ਏਵੀਏਸ਼ਨ ਰੱਖ-ਰਖਾਅ ਵਿੱਚ ਇੱਕ ਮਹੱਤਵਪੂਰਨ ਕੇਂਦਰ ਵੱਜੋਂ ਉੱਭਰ ਰਿਹਾ ਹੈ।
ਪੀਐਮ ਮੋਦੀ ਨੇ ਕਿਹਾ ਕਿ ਨਵੰਬਰ ਮਹੀਨਾ ਭਾਰਤ ਦੀ ਸ਼ਾਨ ਅਤੇ ਨਵੀਨਤਾ ਨਾਲ ਭਰਪੂਰ ਰਿਹਾ। ਖੇਤੀਬਾੜੀ ਤੋਂ ਲੈ ਕੇ ਤਕਨਾਲੋਜੀ, ਨੌਜਵਾਨ ਨਵੀਨਤਾ ਤੋਂ ਲੈ ਕੇ ਰੱਖਿਆ ਸੁਰੱਖਿਆ ਤੱਕ—ਦੇਸ਼ ਨੇ ਕਈ ਨਵੇਂ ਮਾਪਦੰਡ ਸਥਾਪਿਤ ਕੀਤੇ ਹਨ।
