ਚੰਡੀਗੜ੍ਹ :- ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਹਦਾਇਤਾਂ ਹੇਠ ਚੱਲ ਰਹੀ ਨਸ਼ਿਆਂ ਖ਼ਿਲਾਫ਼ ਵਿਸ਼ੇਸ਼ ਮੁਹਿੰਮ ਦੇ ਚਲਦਿਆਂ 270 ਦਿਨਾਂ ਦੀ ਕਾਰਵਾਈ ਦੌਰਾਨ ਪੰਜਾਬ ਪੁਲਿਸ ਨੇ ਇੱਕੋ ਦਿਨ ‘ਚ 358 ਥਾਵਾਂ ‘ਤੇ ਛਾਪੇ ਮਾਰਦੇ ਹੋਏ 104 ਨਸ਼ਾ ਤਸਕਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਅਤੇ 83 ਨਵੀਆਂ ਐਫ਼ਆਈਆਰਾਂ ਦਰਜ ਕੀਤੀਆਂ। ਇਸ ਨਾਲ 270 ਦਿਨਾਂ ‘ਚ ਗ੍ਰਿਫ਼ਤਾਰ ਹੋਏ ਮੱਦਰ ਪੈਡਲਰਾਂ ਦੀ ਸ਼ੁਮਾਰੀ 38,150 ਤੱਕ ਪਹੁੰਚ ਗਈ ਹੈ।
ਤਸਕਰਾਂ ਤੋਂ ਹੈਰੋਇਨ, ਆਈਸ, ਨਸ਼ੀਲੀਆਂ ਗੋਲੀਆਂ ਤੇ ਡਰੱਗ ਮਨੀ ਬਰਾਮਦ
ਤਾਜ਼ਾ ਛਾਪੇਮਾਰੀ ਦੌਰਾਨ ਪੁਲਿਸ ਨੇ ਵੱਖ-ਵੱਖ ਥਾਵਾਂ ਤੋਂ ਇਹ ਸਮੱਗਰੀ ਬਰਾਮਦ ਕੀਤੀ—
-
6.4 ਕਿਲੋਗ੍ਰਾਮ ਹੈਰੋਇਨ
-
1.6 ਕਿਲੋਗ੍ਰਾਮ ICE (ਆਈਸ)
-
389 ਨਸ਼ੀਲੀਆਂ ਗੋਲੀਆਂ
-
6.96 ਲੱਖ ਰੁਪਏ ਡਰੱਗ ਮਨੀ
ਅਧਿਕਾਰੀਆਂ ਦੇ ਅਨੁਸਾਰ, ਇਹ ਬਰਾਮਦਗੀਆਂ ਮੁਹਿੰਮ ਦੀ ਸਫ਼ਲਤਾ ਅਤੇ ਤਸਕਰੀ ਚੈਨਲਾਂ ‘ਤੇ ਹੋ ਰਹੇ ਵੱਡੇ ਦਬਾਅ ਦਾ ਨਤੀਜਾ ਹਨ।
120 ਪੁਲਿਸ ਟੀਮਾਂ, 76 ਗਜ਼ਟਿਡ ਅਧਿਕਾਰੀਆਂ ਦੀ ਨਿਗਰਾਨੀ ਹੇਠ ਆਪ੍ਰੇਸ਼ਨ
ਦਿਨ ਭਰ ਚੱਲੇ ਇਸ ਵੱਡੇ ਪ੍ਰਬੰਧਤ ਆਪ੍ਰੇਸ਼ਨ ‘ਚ 120 ਤੋਂ ਵੱਧ ਪੁਲਿਸ ਟੀਮਾਂ ਮੈਦਾਨ ‘ਚ ਰਹੀਆਂ।
ਇਸ ਦੌਰਾਨ—
-
ਪੂਰੇ ਸੂਬੇ ‘ਚ 358 ਛਾਪੇ
-
376 ਸ਼ੱਕੀ ਵਿਅਕਤੀਆਂ ਦੀ ਜਾਂਚ
-
1000 ਤੋਂ ਵੱਧ ਪੁਲਿਸ ਕਰਮਚਾਰੀ ਤਾਇਨਾਤ
ਪੰਜਾਬ ਸਰਕਾਰ ਨੇ ਨਸ਼ਿਆਂ ਖਿਲਾਫ਼ ਮੁਹਿੰਮ ਦੀ ਨਿਗਰਾਨੀ ਲਈ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਦੀ ਅਗਵਾਈ ਹੇਠ 5 ਮੈਂਬਰੀ ਕੈਬਨਿਟ ਸਬ-ਕਮੇਟੀ ਵੀ ਬਣਾਈ ਹੈ।
ਤਿੰਨ-ਪੱਖੀ ਰਣਨੀਤੀ EDP – ਪੁਲਿਸ ਨੇ 39 ਵਿਅਕਤੀਆਂ ਨੂੰ ਇਲਾਜ ਲਈ ਤਿਆਰ ਕੀਤਾ
ਸੂਬੇ ਵਿੱਚ ਨਸ਼ਿਆਂ ਦੇ ਪੂਰਨ ਖਾਤਮੇ ਲਈ ਸਰਕਾਰ ਨੇ ਇਨਫੋਰਸਮੈਂਟ, ਡੀ-ਅਡਿਕਸ਼ਨ ਅਤੇ ਪ੍ਰੀਵੈਨਸ਼ਨ (Enforcement–De-addiction–Prevention) ‘ਤੇ ਆਧਾਰਿਤ ਤਿੰਨ-ਪੱਖੀ ਰਣਨੀਤੀ ਲਾਗੂ ਕੀਤੀ ਹੋਈ ਹੈ।
ਇਸ ਹਿੱਸੇ ਵੱਜੋਂ ਅੱਜ 39 ਨਸ਼ੇੜੀਆਂ ਨੂੰ ਇਲਾਜ ਅਤੇ ਮੁੜ ਸਥਾਪਨਾ ਲਈ ਰਾਜ਼ੀ ਵੀ ਕੀਤਾ ਗਿਆ, ਜੋ ਮੁਹਿੰਮ ਦਾ ਇੱਕ ਮਹੱਤਵਪੂਰਨ ਮਨੁੱਖੀ ਪੱਖ ਹੈ।
ਮੁੱਖ ਮੰਤਰੀ ਦੀ ਸਖ਼ਤ ਚੇਤਾਵਨੀ—“ਸੂਬਾ ਨਸ਼ਾ-ਮੁਕਤ ਕਰਨਾ ਹੀ ਅੰਤਿਮ ਟੀਚਾ”
ਮੁੱਖ ਮੰਤਰੀ ਨੇ ਪੁਲਿਸ ਕਮਿਸ਼ਨਰਾਂ, ਡੀ.ਸੀਜ਼ ਅਤੇ ਐਸ.ਐੱਸ.ਪੀਜ਼ ਨੂੰ ਸਾਫ਼ ਹਦਾਇਤ ਦਿੱਤੀ ਹੈ ਕਿ ਨਸ਼ਾ ਤਸਕਰੀ ‘ਤੇ ਜ਼ੀਰੋ ਟੋਲਰੈਂਸ ਨੀਤੀ ਨੂੰ ਹੀ ਅੱਗੇ ਵਧਾਇਆ ਜਾਵੇ ਅਤੇ ਕਿਸੇ ਵੀ ਢਿੱਲ ਦੀ ਗੁੰਜਾਇਸ਼ ਨਾ ਰਹੇ।
