ਨੈਸ਼ਨਲ ਟਾਈਮਜ਼ ਬਿਊਰੋ :- ਪੰਜਾਬ ਅਤੇ ਚੰਡੀਗੜ੍ਹ ਦੇ ਵੱਡੇ ਹਿੱਸੇ ‘ਚ ਪਿਛਲੇ ਕੁਝ ਦਿਨਾਂ ਤੋਂ ਠੰਢ ਦਾ ਰੁਖ ਹੋਰ ਤਿੱਖਾ ਹੋ ਗਿਆ ਹੈ। ਸਵੇਰ ਤੇ ਸ਼ਾਮ ਦੇ ਵੇਲੇ ਕਈ ਥਾਵਾਂ ‘ਤੇ ਹਲਕੀ ਧੁੰਦ ਟੰਗਣੀ ਸ਼ੁਰੂ ਹੋ ਗਈ ਹੈ। ਖੁਸ਼ਕ ਹਵਾਵਾਂ ਦੇ ਕਾਰਨ ਦਿਲਕਸ਼ ਪਰ ਠੰਢੇ ਮੌਸਮ ਦਾ ਅਹਿਸਾਸ ਵੱਧ ਰਿਹਾ ਹੈ। ਮੌਸਮ ਵਿਭਾਗ ਦਾ ਕਹਿਣਾ ਹੈ ਕਿ ਪਿਛਲੇ 24 ਘੰਟਿਆਂ ਵਿੱਚ ਰਾਤ ਦਾ ਪਾਰਾ ਔਸਤ 0.5 ਡਿਗਰੀ ਡਿੱਗਿਆ ਹੈ ਅਤੇ ਹੁਣ ਇਹ ਸੀਜ਼ਨਲ ਲੈਵਲ ਦੇ ਨੇੜੇ ਪਹੁੰਚ ਚੁੱਕਿਆ ਹੈ।
ਫਰੀਦਕੋਟ ਸਭ ਤੋਂ ਠੰਢਾ, ਹਿਸਾਰ ‘ਚ ਵੀ ਪਾਰਾ ਡਿੱਗਿਆ
ਰਾਜ ‘ਚ ਫਰੀਦਕੋਟ ਸਭ ਤੋਂ ਠੰਢਾ ਜ਼ਿਲ੍ਹਾ ਰਿਹਾ, ਜਿੱਥੇ ਨਿਊਨਤਮ ਤਾਪਮਾਨ ਸਿਰਫ਼ 4°C ਦਰਜ ਕੀਤਾ ਗਿਆ। ਨੇੜਲੇ ਸੂਬੇ ਹਰਿਆਣਾ ਦਾ ਹਿਸਾਰ ਵੀ ਜ਼ੋਰਦਾਰ ਠੰਢ ਦੀ ਚਪੇਟ ਵਿਚ ਰਿਹਾ, ਜਿੱਥੇ ਪਾਰਾ 6.3°C ਤੱਕ ਲੁੱਕ ਗਿਆ।
30 ਨਵੰਬਰ ਤੋਂ ਬੱਦਲਾਂ ਦਾ ਦੌਰਾ, ਦਿਨ ਦੇ ਪਾਰੇ ‘ਚ ਹੋ ਸਕਦੀ ਹੋਰ ਗਿਰਾਵਟ
ਮੌਸਮ ਵਿਭਾਗ ਅਨੁਸਾਰ ਅਗਲੇ ਚਾਰ ਦਿਨ ਤੱਕ ਰਾਜ ‘ਚ ਅਸਮਾਨ ਜ਼ਿਆਦਾਤਰ ਸਾਫ਼ ਰਹੇਗਾ। 30 ਨਵੰਬਰ ਤੋਂ ਹਲਕੀ ਬੱਦਲਵਾਈ ਦੇ ਆਸਾਰ ਹਨ, ਜਿਸ ਨਾਲ ਦਿਨ ਦੇ ਤਾਪਮਾਨ ਵਿੱਚ ਹੌਲੀ-ਹੌਲੀ ਕਮੀ ਆ ਸਕਦੀ ਹੈ।
ਤਿੰਨ ਦਿਨਾਂ ਤੱਕ ਰਾਤ ਵਾਲੇ ਤਾਪਮਾਨ ਵਿੱਚ ਕੋਈ ਵੱਡਾ ਫਰਕ ਨਹੀਂ ਆਵੇਗਾ।
ਅਗਲੇ ਹਫ਼ਤੇ ਮੀਂਹ ਦੀ ਸੰਭਾਵਨਾ ਨਹੀਂ
ਅਗਲੇ ਸੱਤ ਦਿਨਾਂ ਲਈ ਮੌਸਮ ਵਿਭਾਗ ਨੇ ਸੂਬੇ ਵਿੱਚ ਮੀਂਹ ਦੇ ਚਾਂਸ ਬਿਲਕੁਲ ਨਕਾਰ ਦਿੱਤੇ ਹਨ। ਕੁਝ ਇਲਾਕਿਆਂ ਵਿੱਚ ਹਲਕੀ ਧੁੰਦ ਰਹਿ ਸਕਦੀ ਹੈ ਪਰ ਇਸ ਨਾਲ ਆਵਾਜਾਈ ‘ਤੇ ਕੋਈ ਪ੍ਰਭਾਵ ਪੈਣ ਦੀ ਸੰਭਾਵਨਾ ਨਹੀਂ। ਦਿੱਲੀ–ਅੰਬਾਲਾ ਅਤੇ ਅੰਬਾਲਾ–ਅੰਮ੍ਰਿਤਸਰ ਹਾਈਵੇਅ ‘ਤੇ ਅਗਲੇ ਦੋ ਦਿਨ ਸਪਸ਼ਟ ਮੌਸਮ ਦੀ ਹੀ ਸੰਭਾਵਨਾ ਹੈ।
ਪੰਜਾਬ ਦੀ ਹਵਾ ਖ਼ਤਰਨਾਕ ਲੇਵਲ ‘ਤੇ, ਮੰਡੀ ਗੋਬਿੰਦਗੜ੍ਹ ਸਭ ਤੋਂ ਪ੍ਰਦੂਸ਼ਿਤ
ਮੌਸਮੀ ਠੰਢ ਨਾਲ-साथ ਸੂਬੇ ਦੀ ਹਵਾ ਵੀ ਦਿਨ–ਬ–ਦਿਨ ਹੋਰ ਪ੍ਰਦੂਸ਼ਿਤ ਹੋ ਰਹੀ ਹੈ। ਰੂਪਨਗਰ ਤੋਂ ਇਲਾਵਾ ਲਗਭਗ ਹਰ ਸ਼ਹਿਰ ਵਿੱਚ ਏਅਰ ਕਵਾਲਟੀ ਇੰਡੈਕਸ 100 ਤੋਂ ਵੱਧ ਦਰਜ ਕੀਤਾ ਜਾ ਰਿਹਾ ਹੈ।
-
ਮੰਡੀ ਗੋਬਿੰਦਗੜ੍ਹ – AQI 213 (ਸਭ ਤੋਂ ਪ੍ਰਦੂਸ਼ਿਤ)
-
ਅੰਮ੍ਰਿਤਸਰ – AQI 196
-
ਬਠਿੰਡਾ – AQI 159
-
ਜਲੰਧਰ – AQI 133
-
ਖੰਨਾ – AQI 142
-
ਲੁਧਿਆਣਾ – AQI 122
-
ਪਟਿਆਲਾ – AQI 135
-
ਰੂਪਨਗਰ – AQI 62 (ਇੱਕੋ ਸ਼ਹਿਰ ਜਿੱਥੇ ਹਵਾ ਸਹਿਤਮੰਦ ਲੇਵਲ ‘ਤੇ)
ਚੰਡੀਗੜ੍ਹ ਵਿੱਚ ਵੀ ਸਥਿਤੀ ਚਿੰਤਾਜਨਕ ਹੈ—ਸੈਕਟਰ 22 ਦਾ AQI 155, ਸੈਕਟਰ 55 ਦਾ 155 ਤੇ ਸੈਕਟਰ 53 ਦਾ 153 ਦਰਜ ਹੋਇਆ।
ਲੋਕਾਂ ਲਈ ਸਲਾਹ — ਸਿਹਤ ‘ਤੇ ਧਿਆਨ ਰੱਖੋ
ਵੱਧ ਰਹੇ AQI ਦੇ ਮੱਦੇਨਜ਼ਰ ਮਾਹਰਾਂ ਨੇ ਸਵੇਰ ਸ਼ਾਮ ਦੇ ਸਮੇਂ ਗੈਰ-ਜ਼ਰੂਰੀ ਬਾਹਰ ਜਾਣ ਤੋਂ ਪਰਹੇਜ਼ ਕਰਨ, ਮਾਸਕ ਦੀ ਵਰਤੋਂ ਕਰਨ ਅਤੇ ਖਾਸਕਰ ਬਚਿਆਂ ਤੇ ਬਜ਼ੁਰਗਾਂ ਨੂੰ ਸਾਵਧਾਨ ਰਹਿਣ ਦੀ ਅਪੀਲ ਕੀਤੀ ਹੈ।
