ਪੰਜਾਬੀ ਗਾਇਕ ਕਰਨ ਔਜਲਾ ਤੇ ਹਨੀ ਸਿੰਘ ਦੇ ਗੀਤਾਂ ਉੱਤੇ “ਪੰਜਾਬ ਵੁਮੈਨ ਕਮਿਸ਼ਨ” ਨੇ ਕੀਤੀ ਵੱਡੀ ਕਾਰਵਾਈ, ਦੇਖੋ ਖ਼ਬਰ…..

ਕਮਿਸ਼ਨ ਵੱਲੋਂ ਜਾਰੀ ਨੋਟਿਸਾਂ ਮੁਤਾਬਕ, ਕਰਨ ਔਜਲਾ ਦਾ ਗੀਤ “MF Gabru” ਅਤੇ ਹਨੀ ਸਿੰਘ ਦਾ “Millionaire” ਨਾਰੀ ਵਿਰੋਧੀ ਅਤੇ ਘਟੀਆ ਲਫ਼ਜ਼ਾਂ ਵਾਲੇ ਹਨ। ਕਮਿਸ਼ਨ ਦਾ ਕਹਿਣਾ ਹੈ ਕਿ ਇਨ੍ਹਾਂ ਗੀਤਾਂ ਦੇ ਬੋਲ ਔਰਤਾਂ ਦੀ ਇੱਜ਼ਤ ਤੇ ਹੱਕਾਂ ਦੀ ਉਲੰਘਣਾ ਕਰਦੇ ਹਨ ਅਤੇ ਸਮਾਜ ਵਿੱਚ ਨਕਾਰਾਤਮਕ ਸੋਚ ਨੂੰ ਵਧਾਅ ਦੇ ਸਕਦੇ ਹਨ।

ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ, ਮਹਿਲਾ ਕਮਿਸ਼ਨ ਨੇ ਪੰਜਾਬ ਪੁਲਿਸ ਹੈੱਡਕੁਆਟਰ ਚੰਡੀਗੜ੍ਹ ਨੂੰ ਕਿਹਾ ਹੈ ਕਿ ਤੁਰੰਤ ਜਾਂਚ ਕਰਕੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ। ਪੁਲਿਸ ਅਧਿਕਾਰੀਆਂ ਨੂੰ ਹੁਕਮ ਦਿੱਤੇ ਗਏ ਹਨ ਕਿ ਹਰ ਮਾਮਲੇ ਵਿੱਚ ਹੋਈ ਕਾਰਵਾਈ ਦੀ ਰਿਪੋਰਟ ਜਲਦੀ ਪੇਸ਼ ਕੀਤੀ ਜਾਵੇ।

ਦੋਵੇਂ ਗਾਇਕਾਂ ਨੂੰ ਤਲਬ ਕੀਤਾ, 11 ਅਗਸਤ ਨੂੰ ਹੋਣਗੇ ਪੇਸ਼

ਮਹਿਲਾ ਕਮਿਸ਼ਨ ਨੇ ਦੋਵੇਂ ਗਾਇਕਾਂ ਨੂੰ ਅਦਾਲਤੀ ਤਰੀਕੇ ਨਾਲ ਤਲਬ ਵੀ ਕੀਤਾ ਹੈ। ਕਰਨ ਔਜਲਾ ਨੂੰ 11 ਅਗਸਤ 2025 ਨੂੰ ਸਵੇਰੇ 11 ਵਜੇ, ਅਤੇ ਯੋ ਯੋ ਹਨੀ ਸਿੰਘ ਨੂੰ 11:30 ਵਜੇ ਕਮਿਸ਼ਨ ਦੇ ਦਫ਼ਤਰ ‘ਚ ਹਾਜ਼ਰ ਹੋਣ ਲਈ ਕਿਹਾ ਗਿਆ ਹੈ।

ਕਮਿਸ਼ਨ ਨੇ ਜ਼ੋਰ ਦਿੱਤਾ ਕਿ ਉਹ ਔਰਤਾਂ ਦੀ ਇੱਜ਼ਤ, ਸੁਰੱਖਿਆ ਅਤੇ ਹੱਕਾਂ ਦੀ ਰਾਖੀ ਲਈ ਵਚਨਬੱਧ ਹੈ। ਇਨ੍ਹਾਂ ਗੀਤਾਂ ਰਾਹੀਂ ਔਰਤਾਂ ਦੀ ਤਸਵੀਰ ਨੂੰ ਘਟੀਆ ਢੰਗ ਨਾਲ ਪੇਸ਼ ਕਰਨਾ ਕਦੇ ਵੀ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।

ਇਹ ਮਾਮਲਾ ਲੋਕਾਂ ਵਿੱਚ ਚਰਚਾ ਦਾ ਕੇਂਦਰ ਬਣ ਗਿਆ ਹੈ ਅਤੇ ਸੰਗੀਤ ਉਦਯੋਗ ਵਿੱਚ ਲਿਖਾਰੀਆਂ ਦੀ ਜ਼ਿੰਮੇਵਾਰੀ ‘ਤੇ ਵੀ ਸਵਾਲ ਖੜੇ ਹੋ ਰਹੇ ਹਨ। ਖ਼ਾਸ ਕਰਕੇ ਓਹ ਸਮਾਂ ਜਦੋਂ ਲੋਕ ਇੰਟਰਨੈੱਟ ਰਾਹੀਂ ਹਰ ਕਿਸਮ ਦੀ ਮੀਡੀਆ ਸਿੱਧਾ ਵਰਤ ਰਹੇ ਹਨ।