ਬੰਗਲਾਦੇਸ਼ :- ਲਗਭਗ ਤਿੰਨ ਦਹਾਕਿਆਂ ਬਾਅਦ ਬੰਗਲਾਦੇਸ਼ ਨੇ ਸ਼ੁੱਕਰਵਾਰ ਨੂੰ ਤੀਬਰ ਭੂਚਾਲ ਮਹਿਸੂਸ ਕੀਤਾ, ਜਿਸ ਨੇ ਢਾਕਾ, ਨਰਸਿੰਗਡੀ ਅਤੇ ਗਾਜ਼ੀਪੁਰ ਨੂੰ ਬੁਰੀ ਤਰ੍ਹਾਂ ਹਿਲਾ ਦਿੱਤਾ। ਲੱਖਾਂ ਲੋਕ ਘਰਾਂ, ਦਫ਼ਤਰਾਂ ਅਤੇ ਬਜ਼ਾਰਾਂ ਤੋਂ ਬਾਹਰ ਨਿਕਲ ਆਏ ਅਤੇ ਹਰ ਪਾਸੇ ਘਬਰਾਹਟ ਦਾ ਮਾਹੌਲ ਬਣ ਗਿਆ।
ਮੌਸਮ ਵਿਭਾਗ ਮੁਤਾਬਕ ਭੂਚਾਲ ਦੀ ਤੀਬਰਤਾ 5.7 ਦਰਜ ਕੀਤੀ ਗਈ, ਜਿਸ ਦਾ ਕੇਂਦਰ ਨਰਸਿੰਗਡੀ ਅਤੇ ਡੂੰਘਾਈ 10 ਕਿਲੋਮੀਟਰ ਸੀ। ਢਾਕਾ ਸਮੇਤ ਕਈ ਇਲਾਕੇ ਕੁਝ ਸਕਿੰਟਾਂ ਤੱਕ ਕੰਬਦੇ ਰਹੇ, ਜਿਸ ਦਾ ਅਸਰ ਉੱਤਰੀ ਬੰਗਾਲ ਦੇ ਕੁਝ ਸ਼ਹਿਰਾਂ ਤੱਕ ਵੀ ਪਹੁੰਚਿਆ।
3 ਦੀ ਮੌਤ, 100 ਤੋਂ ਵੱਧ ਜ਼ਖਮੀ, ਹਸਪਤਾਲਾਂ ਵਿੱਚ ਹਾਲਤ ਤਣਾਅਪੂਰਨ
ਮਿੰਟਫੋਰਡ ਹਸਪਤਾਲ ਨੇ ਪੁਸ਼ਟੀ ਕੀਤੀ ਕਿ ਢਾਕਾ ਵਿੱਚ ਸੀੜ੍ਹੀਆਂ ਦੀਆਂ ਰੇਲਿੰਗਾਂ ਟੁੱਟਣ ਨਾਲ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। 100 ਤੋਂ ਵੱਧ ਜ਼ਖਮੀ ਲੋਕਾਂ ਵਿੱਚੋਂ ਕਈ ਨਰਸਿੰਗਡੀ ਤੋਂ ਹਨ। ਹਸਪਤਾਲ ਦੇ RMO ਨੇ ਦੱਸਿਆ ਕਿ ਜ਼ਿਆਦਾਤਰ ਲੋਕ ਪੈਨਿਕ ਅਟੈਕ ਕਾਰਨ ਦਾਖਲ ਕਰਵਾਏ ਗਏ, ਜਦਕਿ ਕੁਝ ਨੂੰ ਛੋਟੀ-ਮੋਟੀ ਚੋਟਾਂ ਵੀ ਆਈਆਂ ਹਨ।
ਮਕਾਨਾਂ ਨੂੰ ਨੁਕਸਾਨ, ਛੱਜੇ ਡਿੱਗੇ — ਬਿਜਲੀ ਪ੍ਰਣਾਲੀ ਠੱਪ
ਢਾਕਾ ਅਤੇ ਆਸਪਾਸ ਦੇ ਇਲਾਕਿਆਂ ਵਿੱਚ ਕਈ ਮਕਾਨਾਂ ਵਿੱਚ ਦਰਾਰਾਂ ਪਈਆਂ ਹਨ ਅਤੇ ਕੁਝ ਥਾਵਾਂ ‘ਤੇ ਛੱਜੇ ਡਿੱਗਣ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਭੂਚਾਲ ਤੋਂ ਬਾਅਦ ਵੱਡੇ ਸ਼ਹਿਰਾਂ ਵਿੱਚ ਬਿਜਲੀ ਸਪਲਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ।
ਇੰਡੋ – ਬਰਮਾ ਪਲੇਟ ਦੀ ਟੱਕਰ ਕਾਰਨ ਭੂਚਾਲ ਵਿਗਿਆਨੀ
ਭੂ-ਵਿਗਿਆਨੀ ਹੁਮਾਯੂੰ ਕਬੀਰ ਦੇ ਅਨੁਸਾਰ, ਇਹ ਭੂਚਾਲ ਇੰਡੋ-ਬਰਮਾ ਟੈਕਟੋਨਿਕ ਪਲੇਟਾਂ ਦੀ ਹਿਲਜੁਲ ਦਾ ਨਤੀਜਾ ਹੈ। ਇਹੀ ਕਾਰਨ ਹੁਣੇ ਤਕ ਇਹਨਾ ਤੀਬਰ ਝਟਕੇ ਮਹਿਸੂਸ ਕੀਤੇ ਗਏ।
ਰਾਹਤ ਕੰਮ ਤੇਜ਼ – ਪ੍ਰਸ਼ਾਸਨ ਹਾਈ ਅਲਰਟ ‘ਤੇ
ਸਰਕਾਰ ਨੇ ਤੁਰੰਤ ਰਾਹਤ ਅਤੇ ਬਚਾਅ ਦਲ ਤਾਇਨਾਤ ਕਰ ਦਿੱਤੇ ਹਨ। ਫਾਇਰਬ੍ਰਿਗੇਡ ਅਤੇ ਐਮਰਜੈਂਸੀ ਸੇਵਾਵਾਂ ਨੂੰ ਅਲਰਟ ਰਹਿਣ ਦੇ ਹੁਕਮ ਦਿੱਤੇ ਗਏ ਹਨ। 1997 ਦੇ ਚਟਗਾਂਵ ਭੂਚਾਲ ਤੋਂ ਬਾਅਦ ਇਹ ਸਭ ਤੋਂ ਵੱਡਾ ਭੂਚਾਲ ਮੰਨਿਆ ਜਾ ਰਿਹਾ ਹੈ।
