ਬਿਹਾਰ :- ਬਿਹਾਰ ਦੀ ਰਾਜਨੀਤਿਕ ਧਰਾ ਅੱਜ ਫਿਰ ਇੱਕ ਇਤਿਹਾਸਕ ਪਲ ਦਾ ਗਵਾਹ ਬਣੇਗੀ। ਜੇਡੀਯੂ (JD-U) ਦੇ ਸਰਬੋਚ ਆਗੂ ਨਿਤੀਸ਼ ਕੁਮਾਰ ਵੀਰਵਾਰ ਨੂੰ 10ਵੀਂ ਵਾਰ ਰਾਜ ਦੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕਣ ਜਾ ਰਹੇ ਹਨ। ਪਟਨਾ ਦੇ ਪ੍ਰਸਿੱਧ ਗਾਂਧੀ ਮੈਦਾਨ ਵਿੱਚ ਇਸ ਮਹਾ ਸਮਾਰੋਹ ਲਈ ਤਿਆਰੀਆਂ ਪੂਰੀਆਂ ਹੋ ਚੁੱਕੀਆਂ ਹਨ।
PM ਮੋਦੀ ਅਤੇ 16 ਮੁੱਖ ਮੰਤਰੀ ਹੋਣਗੇ ਸ਼ਾਮਿਲ
ਸ਼ਪਥ ਸਮਾਰੋਹ ਨੂੰ ਰਾਸ਼ਟਰੀ ਪੱਧਰ ਦੇ ਮੈਗਾ ਇਵੈਂਟ ਵਜੋਂ ਲਿਆ ਜਾ ਰਿਹਾ ਹੈ।
-
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ
-
ਗ੍ਰਹਿ ਮੰਤਰੀ ਅਮਿਤ ਸ਼ਾਹ
-
ਅਤੇ ਦੇਸ਼ ਦੇ 16 ਰਾਜਾਂ ਦੇ ਮੁੱਖ ਮੰਤਰੀ
ਇਸ ਕਾਰਜਕ੍ਰਮ ਵਿੱਚ ਹਾਜ਼ਰੀ ਲੈਣਗੇ।
PM ਮੋਦੀ ਸਵੇਰੇ 10:45 ਵਜੇ ਹੈਲੀਕਾਪਟਰ ਰਾਹੀਂ ਸਿੱਧੇ ਗਾਂਧੀ ਮੈਦਾਨ ਪਹੁੰਚਣਗੇ। ਯੂਪੀ ਦੇ ਯੋਗੀ ਆਦਿਤਿਆਨਾਥ ਤੋਂ ਲੈ ਕੇ ਰਾਜਸਥਾਨ ਅਤੇ ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਵੀ ਮੌਜੂਦ ਰਹਿਣਗੇ।
SPG ਨੇ ਸੰਭਾਲੀ ਸੁਰੱਖਿਆ, ਗਾਂਧੀ ਮੈਦਾਨ ਬਣਿਆ ਕਿਲਾਬੰਦੀ ਵਾਲੀ ਜਗ੍ਹਾ
VVIP ਸੁਰੱਖਿਆ ਦੇ ਮੱਦੇਨਜ਼ਰ ਗਾਂਧੀ ਮੈਦਾਨ ’ਚ
SPG ਨੇ ਕਮਾਨ ਆਪਣੇ ਹੱਥ ਵਿਚ ਲੈ ਲਈ ਹੈ।
VVIP ਦਾਖਲੇ ਲਈ ਗੇਟ ਨੰਬਰ 1 ਖਾਸ ਤੌਰ ‘ਤੇ ਰਾਖਵਾਂ ਕੀਤਾ ਗਿਆ ਹੈ। ਪੂਰੇ ਪਟਨਾ ਵਿੱਚ ਪੁਲਿਸ ਅਤੇ ਪੈਰਾ ਮਿਲਟਰੀ ਫੋਰਸ ਤੈਨਾਤ ਕੀਤੀ ਗਈ ਹੈ।
3 ਲੱਖ ਤੋਂ ਵੱਧ ਭੀੜ ਦੀ ਆਸ, NDA ਦਾ ਸ਼ਕਤੀ ਪ੍ਰਦਰਸ਼ਨ
NDA ਇਸ ਪ੍ਰੋਗਰਾਮ ਨੂੰ ਰਾਜਨੀਤਿਕ ਤਾਕਤ ਦੇ ਪ੍ਰਦਰਸ਼ਨ ਵਜੋਂ ਪੇਸ਼ ਕਰ ਰਹੀ ਹੈ। ਹਰ ਵਿਧਾਇਕ ਨੂੰ 5 ਹਜ਼ਾਰ ਸਮਰਥਕ ਲਿਆਉਣ ਦੀ ਡਿਊਟੀ ਦਿੱਤੀ ਗਈ ਹੈ। ਕੁੱਲ ਮਿਲਾਕੇ 3 ਲੱਖ ਤੋਂ ਵੱਧ ਲੋਕਾਂ ਦੇ ਪਹੁੰਚਣ ਦਾ ਅਨੁਮਾਨ ਹੈ।ਨਿਤੀਸ਼ ਦੇ ਨਾਲ NDA ਗਠਜੋੜ ਦੇ ਨਵੇਂ ਮੰਤਰੀ ਵੀ ਸ਼ਪਥ ਲੈਣਗੇ।
ਸ਼ਪਥ ਤੋਂ ਬਾਅਦ ਰਾਜ ਭਵਨ ਵਿੱਚ ਭੋਜ, 150 ਖਾਸ ਮਹਿਮਾਨ ਸ਼ਾਮਲ
ਕਾਰਜਕ੍ਰਮ ਤੋਂ ਬਾਅਦ ਰਾਜ ਭਵਨ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਦੇ ਸਨਮਾਨ ਵਿੱਚ ਵਿਸ਼ੇਸ਼ ਭੋਜ ਦਾ ਆਯੋਜਨ ਕੀਤਾ ਗਿਆ ਹੈ।
ਇਸ ਵਿੱਚ 150 ਚੁਣੇ ਹੋਏ ਮਹਿਮਾਨ ਸ਼ਿਰਕਤ ਕਰਨਗੇ।
