ਚੰਡੀਗੜ੍ਹ :- ਪੰਜਾਬ ਦੀ ਮਾਨ ਸਰਕਾਰ ਨੇ ਔਰਤਾਂ ਦੀ ਸਿਹਤ, ਮਾਣ ਅਤੇ ਸਸ਼ਕਤੀਕਰਨ ਵੱਲ ਇਕ ਅਦੁੱਤੀਅ ਪਹਲ ਕੀਤੀ ਹੈ। ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਚਲ ਰਹੀ “ਨਵੀ ਦਿਸ਼ਾ” ਯੋਜਨਾ ਹੁਣ ਸਿਰਫ਼ ਇੱਕ ਸਰਕਾਰੀ ਪ੍ਰੋਗਰਾਮ ਨਹੀਂ ਰਹੀ, ਸਗੋਂ ਇਹ ਪੰਜਾਬ ਦੀ ਹਰ ਧੀ ਦੇ ਆਤਮ-ਸਨਮਾਨ ਅਤੇ ਸਿਹਤ ਦੀ ਪਹਿਚਾਣ ਬਣ ਗਈ ਹੈ। ਇਹ ਯੋਜਨਾ ਇਸ ਗੱਲ ਦੀ ਪ੍ਰਤੀਕ ਹੈ ਕਿ ਮਾਨ ਸਰਕਾਰ ਵਾਅਦਿਆਂ ਤੱਕ ਸੀਮਿਤ ਨਹੀਂ ਰਹਿੰਦੀ, ਸਗੋਂ ਜ਼ਮੀਨ ’ਤੇ ਨਤੀਜੇ ਦਿੰਦੀ ਹੈ।
ਸਿਹਤ ਨੂੰ ਤਰਜੀਹ, ਨਾ ਕਿ ਵਿਕਲਪ – ਮਾਨ ਸਰਕਾਰ ਦਾ ਸਾਫ਼ ਸੰਦੇਸ਼
ਸਰਕਾਰ ਦਾ ਮੰਨਣਾ ਹੈ ਕਿ ਔਰਤਾਂ ਦੀ ਸਿਹਤ ਕੋਈ ਚੋਣ ਨਹੀਂ, ਸਗੋਂ ਬੁਨਿਆਦੀ ਤਰਜੀਹ ਹੈ। “ਨਵੀ ਦਿਸ਼ਾ” ਯੋਜਨਾ ਦਾ ਉਦੇਸ਼ ਹੈ ਹਰ ਉਸ ਔਰਤ ਤੱਕ ਪਹੁੰਚ ਕਰਨਾ ਜੋ ਮਾਹਵਾਰੀ ਦੌਰਾਨ ਸਫਾਈ ਦੀ ਘਾਟ ਕਾਰਨ ਬਿਮਾਰੀਆਂ ਦਾ ਸਾਹਮਣਾ ਕਰਦੀ ਹੈ। ਇਹ ਪਹਲ ਸਿਰਫ਼ ਸੈਨੇਟਰੀ ਪੈਡ ਵੰਡਣ ਤੱਕ ਸੀਮਿਤ ਨਹੀਂ, ਸਗੋਂ ਸਮਾਜਿਕ ਸੋਚ ਬਦਲਣ ਦੀ ਕੋਸ਼ਿਸ਼ ਵੀ ਹੈ।
ਰਾਜ ਦੇ 27 ਹਜ਼ਾਰ ਤੋਂ ਵੱਧ ਆਂਗਣਵਾੜੀ ਕੇਂਦਰਾਂ ਰਾਹੀਂ ਪੈਡ ਵੰਡ ਜਾਰੀ
ਇਸ ਯੋਜਨਾ ਅਧੀਨ ਪੰਜਾਬ ਦੇ 23 ਜ਼ਿਲ੍ਹਿਆਂ ਵਿੱਚ ਸਥਿਤ 27,313 ਆਂਗਣਵਾੜੀ ਕੇਂਦਰਾਂ ਰਾਹੀਂ ਹਰ ਮਹੀਨੇ ਲੋੜਵੰਦ ਔਰਤਾਂ ਅਤੇ ਕਿਸ਼ੋਰ ਲੜਕੀਆਂ ਨੂੰ ਨੌਂ ਮੁਫ਼ਤ ਸੈਨੇਟਰੀ ਪੈਡ ਵੰਡੇ ਜਾ ਰਹੇ ਹਨ। ਇਹ ਸੇਵਾ ਆਂਗਣਵਾੜੀ ਵਰਕਰਾਂ ਦੁਆਰਾ ਘਰ-ਘਰ ਤੱਕ ਪਹੁੰਚਾਈ ਜਾ ਰਹੀ ਹੈ, ਤਾਂ ਜੋ ਕੋਈ ਵੀ ਔਰਤ ਇਸ ਸਹੂਲਤ ਤੋਂ ਬਾਝੀ ਨਾ ਰਹੇ।
ਲੱਖਾਂ ਔਰਤਾਂ ਨੂੰ ਮਿਲ ਰਿਹਾ ਸਿੱਧਾ ਲਾਭ
ਮੌਜੂਦਾ ਸਮੇਂ ਵਿੱਚ ਇਹ ਯੋਜਨਾ ਤਹਿਤ ਹਰ ਮਹੀਨੇ ਤਕਰੀਬਨ 13.65 ਲੱਖ ਔਰਤਾਂ ਅਤੇ ਲੜਕੀਆਂ ਲਾਭ ਪ੍ਰਾਪਤ ਕਰ ਰਹੀਆਂ ਹਨ। ਆਂਗਣਵਾੜੀ ਕਰਮਚਾਰੀਆਂ ਦੀ ਮਹਿਨਤ ਅਤੇ ਸਮਰਪਣ ਨਾਲ ਇਹ ਸਹੂਲਤ ਪਿੰਡਾਂ ਤੋਂ ਸ਼ਹਿਰਾਂ ਤੱਕ ਪਹੁੰਚ ਚੁੱਕੀ ਹੈ। ਕਈ ਔਰਤਾਂ ਨੇ ਕਿਹਾ ਹੈ ਕਿ ਇਸ ਯੋਜਨਾ ਨੇ ਉਨ੍ਹਾਂ ਦੀ ਜ਼ਿੰਦਗੀ ਵਿੱਚ ਅਸਲ ਸੁਖਾਲਤਾ ਲਿਆਈ ਹੈ।
ਪਿੰਡਾਂ ਦੀਆਂ ਔਰਤਾਂ ਦੀਆਂ ਬਦਲ ਰਹੀਆਂ ਕਹਾਣੀਆਂ
ਮੋਗਾ ਜ਼ਿਲ੍ਹੇ ਦੀ ਗੁਰਪ੍ਰੀਤ ਕੌਰ ਕਹਿੰਦੀ ਹੈ, “ਪਹਿਲਾਂ ਸਾਡੇ ਕੋਲ ਪੈਡ ਖਰੀਦਣ ਲਈ ਪੈਸੇ ਨਹੀਂ ਹੁੰਦੇ ਸਨ। ਅਸੀਂ ਪੁਰਾਣੇ ਕੱਪੜੇ ਵਰਤਦੇ ਸਾਂ, ਜਿਸ ਨਾਲ ਬਿਮਾਰੀਆਂ ਹੋ ਜਾਂਦੀਆਂ ਸਨ। ਹੁਣ ਸਰਕਾਰ ਵੱਲੋਂ ਹਰ ਮਹੀਨੇ ਘਰ ਤੱਕ ਪੈਡ ਪਹੁੰਚਦੇ ਹਨ, ਤੇ ਸਫਾਈ ਦਾ ਪੂਰਾ ਧਿਆਨ ਰੱਖਿਆ ਜਾਂਦਾ ਹੈ।” ਇਸ ਤਰ੍ਹਾਂ ਦੀਆਂ ਆਵਾਜ਼ਾਂ ਹੁਣ ਹਰ ਜ਼ਿਲ੍ਹੇ ਵਿੱਚ ਸੁਣਨ ਨੂੰ ਮਿਲ ਰਹੀਆਂ ਹਨ।
36 ਮਿਲੀਅਨ ਤੋਂ ਵੱਧ ਪੈਡ ਵੰਡੇ, ₹14 ਕਰੋੜ ਤੋਂ ਵੱਧ ਖਰਚਾ
ਸਰਕਾਰ ਦੇ ਅੰਕੜਿਆਂ ਅਨੁਸਾਰ ਹੁਣ ਤੱਕ ਪੰਜਾਬ ਵਿੱਚ 36.87 ਮਿਲੀਅਨ ਤੋਂ ਵੱਧ ਸੈਨੇਟਰੀ ਪੈਡ ਵੰਡੇ ਜਾ ਚੁੱਕੇ ਹਨ। ਇਸ ਉੱਤੇ ਸਰਕਾਰ ਵੱਲੋਂ ₹14 ਕਰੋੜ 4 ਲੱਖ ਤੋਂ ਵੱਧ ਰਕਮ ਖਰਚ ਕੀਤੀ ਗਈ ਹੈ। ਇਹ ਰਕਮ ਸਿੱਧੇ ਔਰਤਾਂ ਦੀ ਸਿਹਤ ਅਤੇ ਆਤਮ-ਵਿਸ਼ਵਾਸ ਵਧਾਉਣ ’ਤੇ ਲੱਗ ਰਹੀ ਹੈ।
ਬਾਇਓਡੀਗ੍ਰੇਡੇਬਲ ਪੈਡ – ਵਾਤਾਵਰਣ ਸੁਰੱਖਿਆ ਨਾਲ ਸਿਹਤ ਦੀ ਗਰੰਟੀ
ਇਹ ਸੈਨੇਟਰੀ ਪੈਡ 100 ਪ੍ਰਤੀਸ਼ਤ ਬਾਇਓਡੀਗ੍ਰੇਡੇਬਲ ਹਨ ਅਤੇ ਕੁਦਰਤੀ ਤੌਰ ’ਤੇ ਮਿੱਟੀ ਵਿੱਚ ਮਿਲ ਜਾਂਦੇ ਹਨ। ਇਹ ਨਾ ਸਿਰਫ਼ ਔਰਤਾਂ ਲਈ ਸੁਰੱਖਿਅਤ ਹਨ ਸਗੋਂ ਵਾਤਾਵਰਣ ਲਈ ਵੀ ਹਿਤਕਾਰੀ ਹਨ। ਮਾਨ ਸਰਕਾਰ ਨੇ ਇਹ ਦਰਸਾ ਦਿੱਤਾ ਹੈ ਕਿ ਉਹ ਸਿਹਤ ਦੇ ਨਾਲ ਨਾਲ ਪ੍ਰਕਿਰਤੀ ਸੁਰੱਖਿਆ ਲਈ ਵੀ ਗੰਭੀਰ ਹੈ।
ਮਾਹਵਾਰੀ ਪ੍ਰਤੀ ਜਾਗਰੂਕਤਾ ਦੀ ਨਵੀਂ ਲਹਿਰ
“ਨਵੀ ਦਿਸ਼ਾ” ਨੇ ਪੰਜਾਬ ਵਿੱਚ ਇੱਕ ਚੁੱਪ ਚਾਪ ਕ੍ਰਾਂਤੀ ਖੜ੍ਹੀ ਕੀਤੀ ਹੈ। ਹੁਣ ਪਿੰਡਾਂ ਵਿੱਚ ਖੁੱਲ੍ਹ ਕੇ ਮਾਹਵਾਰੀ ਬਾਰੇ ਗੱਲ ਕੀਤੀ ਜਾਂਦੀ ਹੈ। ਔਰਤਾਂ ਖੁਦ ਸਫਾਈ, ਸਿਹਤ ਅਤੇ ਆਤਮ-ਵਿਸ਼ਵਾਸ ਬਾਰੇ ਜਾਗਰੂਕ ਹੋ ਰਹੀਆਂ ਹਨ।
ਮਾਨ ਸਰਕਾਰ ਦੀ ਨੀਹ – ਸਿਹਤ ਤੇ ਮਾਣ ਦੋਵੇਂ ਇੱਕੋ ਨਾਲ
ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦਾ ਕਹਿਣਾ ਹੈ ਕਿ “ਔਰਤਾਂ ਦੀ ਸਿਹਤ ਕੋਈ ਸੁਵਿਧਾ ਨਹੀਂ, ਇੱਕ ਹੱਕ ਹੈ।” “ਨਵੀ ਦਿਸ਼ਾ” ਯੋਜਨਾ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਸਰਕਾਰ ਸਿਰਫ਼ ਐਲਾਨ ਨਹੀਂ ਕਰਦੀ, ਸਗੋਂ ਜ਼ਮੀਨੀ ਪੱਧਰ ’ਤੇ ਔਰਤਾਂ ਦੀ ਜ਼ਿੰਦਗੀ ਬਦਲ ਰਹੀ ਹੈ।
