ਚੰਡੀਗੜ੍ਹ :- ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਵਿਰੋਧੀ ਧਿਰ ’ਤੇ ਚੋਟ ਕਰਦਿਆਂ ਤਿੱਖੀ ਟਿੱਪਣੀ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਜਿਹੜੇ ਤਰੀਕੇ ਨਾਲ ਅਕਾਲੀ ਤੇ ਕਾਂਗਰਸੀ ਨੇਤਾ ਹਾਲ ਹੀ ਵਿੱਚ ਬਿਆਨਬਾਜ਼ੀ ਕਰ ਰਹੇ ਨੇ, ਉਹਨਾਂ ਦਾ ਵਰਤਾਵ ਦੇਖ ਕੇ ਲੱਗਦਾ ਹੈ ਜਿਵੇਂ ਇਹਨਾਂ ਦਾ ਮਾਨਸਿਕ ਸੰਤੁਲਨ ਖੋ ਗਿਆ ਹੋਵੇ। ਮਾਨ ਨੇ ਚੋਟ ਮਾਰਦਿਆਂ ਕਿਹਾ – “ਪੰਜਾਬ ਦੇ ਹਾਲਾਤ ਵੇਖ ਕੇ ਲੱਗਦਾ ਹੈ ਸਾਨੂੰ ਹੁਣ ਸਰਕਾਰੀ ਪਾਗਲਖਾਨੇ ਖੋਲ੍ਹਣੇ ਪੈਣਗੇ, ਕਿਉਂਕਿ ਵਿਰੋਧੀ ਧਿਰ ਦੇ ਲੀਡਰਾਂ ਦੀ ਬਦਮਾਸ਼ੀ ਹੁਣ ਸਮਝ ਤੋਂ ਪਰੇ ਚੱਲ ਗਈ ਹੈ।”
“ਮੈਂ ਪਹਿਲਾਂ ਹੀ ਚੇਤਾਵਨੀ ਦਿੱਤੀ ਸੀ” – ਮਾਨ
ਮੁੱਖ ਮੰਤਰੀ ਨੇ ਯਾਦ ਕਰਵਾਇਆ ਕਿ ਜਦੋਂ 2022 ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣੀ ਸੀ, ਉਸੇ ਵੇਲੇ ਉਨ੍ਹਾਂ ਕਿਹਾ ਸੀ ਕਿ ਅਕਾਲੀ ਤੇ ਕਾਂਗਰਸੀ ਨੇਤਾ 2025-26 ਤੱਕ ਆਪਣੇ ਆਪ ’ਤੇ ਕਾਬੂ ਨਹੀਂ ਰੱਖ ਸਕਣਗੇ। “ਹੁਣ ਉਹੀ ਸਮਾਂ ਆ ਗਿਆ ਹੈ, ਤੇ ਮੇਰੀ ਗੱਲ ਸੱਚ ਸਾਬਤ ਹੋ ਰਹੀ ਹੈ,” ਮਾਨ ਨੇ ਤਨਜ਼ੀਅ ਅੰਦਾਜ਼ ਵਿੱਚ ਕਿਹਾ।
ਰਾਜਾ ਵੜਿੰਗ ’ਤੇ ਵੀ ਤੀਖਾ ਹਮਲਾ
ਮੁੱਖ ਮੰਤਰੀ ਨੇ ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ’ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਲੱਗਦਾ ਹੈ ਨਵਜੋਤ ਸਿੰਘ ਸਿੱਧੂ ਦਾ ਕੋਈ ਟੂਣਾ ਉਨ੍ਹਾਂ ’ਤੇ ਚੜ੍ਹ ਗਿਆ ਹੈ, ਇਸੇ ਕਰਕੇ ਉਹ ਰੋਜ਼ ਨਵੇਂ ਪੰਗੇ ਪਾਉਣ ਵਿੱਚ ਲੱਗੇ ਰਹਿੰਦੇ ਹਨ। ਮਾਨ ਨੇ ਕਿਹਾ ਕਿ ਵੜਿੰਗ ਦੇ ਬਿਆਨਾਂ ਤੋਂ ਸਾਫ਼ ਲੱਗਦਾ ਹੈ ਕਿ ਹੁਣ ਉਨ੍ਹਾਂ ਦਾ ਦਿਮਾਗੀ ਸੰਤੁਲਨ ਠੀਕ ਨਹੀਂ ਰਿਹਾ।
“ਹੁਣ ਇਹ ਨੌਰਮਲ ਦਿਮਾਗ ਵਾਲੇ ਨਹੀਂ ਰਹੇ” – ਸੀਐੱਮ ਮਾਨ
ਭਗਵੰਤ ਮਾਨ ਨੇ ਅੱਗੇ ਕਿਹਾ ਕਿ ਉਹ ਪਹਿਲਾਂ ਹੀ ਕਹਿ ਚੁੱਕੇ ਸਨ ਕਿ ਵਿਰੋਧੀ ਪਾਰਟੀਆਂ ਦੇ ਨੇਤਾ ਇੱਕ ਸਮੇਂ ਬਾਅਦ ਆਪੇ ਹੀ ਗੁੱਸੇ ਤੇ ਹਾਰ ਵਿੱਚ ਆਪਣੀ ਸੂਝ ਬੂਝ ਗਵਾ ਬੈਠਣਗੇ। “ਹੁਣ ਉਹੀ ਹਾਲਤ ਆ ਗਈ ਹੈ, ਇਹ ਹੁਣ ਨੌਰਮਲ ਦਿਮਾਗ ਵਾਲੇ ਨਹੀਂ ਰਹੇ, ਪਾਗਲਪਨ ਦੀ ਹੱਦ ਤੱਕ ਪਹੁੰਚ ਚੁੱਕੇ ਨੇ,” ਉਨ੍ਹਾਂ ਕਿਹਾ।
ਵਿਰੋਧੀਆਂ ਦੀ ਬਦਮਾਸ਼ੀ ’ਤੇ ਸੀਐੱਮ ਦਾ ਪ੍ਰਹਾਰ
ਸੀਐੱਮ ਮਾਨ ਨੇ ਕਿਹਾ ਕਿ ਵਿਰੋਧੀ ਧਿਰ ਦਾ ਮੁੱਖ ਮਕਸਦ ਸਿਰਫ ਪੰਜਾਬ ਦਾ ਮਾਹੌਲ ਖਰਾਬ ਕਰਨਾ ਰਹਿ ਗਿਆ ਹੈ। “ਉਹਨਾਂ ਨੂੰ ਲੋਕਾਂ ਦੀ ਭਲਾਈ ਨਾਲ ਕੋਈ ਲੈਣਾ ਦੇਣਾ ਨਹੀਂ, ਸਿਰਫ ਆਪਣਾ ਨਾਮ ਤੇ ਬਦਨਾਮੀ ਦਾ ਸ਼ੌਕ ਰਹਿ ਗਿਆ ਹੈ,” ਉਨ੍ਹਾਂ ਤੀਖੇ ਲਹਿਜ਼ੇ ਵਿੱਚ ਕਿਹਾ।
ਪੰਜਾਬ ਸਰਕਾਰ ਆਪਣੀ ਨੀਤੀਆਂ ਤੇ ਖੜ੍ਹੀ – ਮਾਨ
ਮਾਨ ਨੇ ਸਪੱਸ਼ਟ ਕੀਤਾ ਕਿ ਵਿਰੋਧੀਆਂ ਦੇ ਚਲਾਏ ਸ਼ੋਰ ਸ਼ਰਾਬੇ ਦਾ ਸਰਕਾਰ ਦੀ ਨੀਤੀਆਂ ’ਤੇ ਕੋਈ ਅਸਰ ਨਹੀਂ ਪਵੇਗਾ। “ਅਸੀਂ ਲੋਕਾਂ ਦੇ ਭਲੇ ਲਈ ਕੰਮ ਕਰਦੇ ਰਹਾਂਗੇ। ਜਿਹੜੇ ਰੋਜ਼ ਬਿਆਨਾਂ ਨਾਲ ਸਰਕਾਰੀ ਕੰਮਾਂ ਵਿੱਚ ਰੁਕਾਵਟ ਪਾਉਣ ਦੀ ਕੋਸ਼ਿਸ਼ ਕਰਦੇ ਨੇ, ਉਨ੍ਹਾਂ ਲਈ ਹੁਣ ਸ਼ਾਇਦ ਇਲਾਜ ਦਾ ਹੀ ਪ੍ਰਬੰਧ ਕਰਨਾ ਪਵੇ,” ਮਾਨ ਨੇ ਹਾਸੇ ਵਿੱਚ ਕਿਹਾ।
