ਨਵੀਂ ਦਿੱਲੀ :- ਐਤਵਾਰ ਸਵੇਰੇ ਕੋਰਲ ਸਾਗਰ ਵਿੱਚ ਭੂਚਾਲ ਦੇ ਤੀਬਰ ਝਟਕੇ ਦਰਜ ਕੀਤੇ ਗਏ, ਜਿਨ੍ਹਾਂ ਦਾ ਕੇਂਦਰ ਵਾਨੂਆਟੂ ਦੇ ਨੇੜੇ ਦੱਸਿਆ ਜਾ ਰਿਹਾ ਹੈ। ਨੈਸ਼ਨਲ ਸੈਂਟਰ ਫਾਰ ਸੀਸਮੋਲੋਜੀ ਮੁਤਾਬਕ, ਇਸ ਭੂਚਾਲ ਦੀ ਤਾਕਤ ਰਿਕਟਰ ਪੈਮਾਨੇ ‘ਤੇ 6 ਮਾਪੀ ਗਈ ਅਤੇ ਭੂਚਾਲ ਕੇਂਦਰ ਧਰਤੀ ਦੀ ਸਤ੍ਹਾ ਤੋਂ ਸਿਰਫ਼ 10 ਕਿਲੋਮੀਟਰ ਡੂੰਘਾਈ ‘ਤੇ ਸੀ, ਜਿਸ ਕਰਕੇ ਇਸਦੇ ਪ੍ਰਭਾਵ ਵਧੇਰੇ ਖ਼ਤਰਨਾਕ ਹੋ ਸਕਦੇ ਸਨ।
ਜਾਪਾਨ ਅਤੇ ਮਿਆਂਮਾਰ ਵਿੱਚ ਵੀ ਧਰਤੀ ਕੰਪੀ
ਭੂਚਾਲ ਦੇ ਝਟਕੇ ਜਾਪਾਨ ਵਿੱਚ ਵੀ ਮਹਿਸੂਸ ਕੀਤੇ ਗਏ, ਜਿੱਥੇ ਤੀਬਰਤਾ 5.9 ਦਰਜ ਕੀਤੀ ਗਈ। ਹਾਲਾਂਕਿ ਸੁਨਾਮੀ ਦੀ ਕੋਈ ਚੇਤਾਵਨੀ ਜਾਰੀ ਨਹੀਂ ਹੋਈ। ਮਿਆਂਮਾਰ ਵਿੱਚ ਸਵੇਰੇ 4:42 ਵਜੇ 3 ਤੀਬਰਤਾ ਵਾਲਾ ਹਲਕਾ ਭੂਚਾਲ ਆਇਆ, ਜਿਸਦਾ ਕੇਂਦਰ ਵੀ 10 ਕਿਲੋਮੀਟਰ ਡੂੰਘਾਈ ‘ਤੇ ਸੀ।
ਭਾਰਤ ਦੇ ਕਰਨਾਟਕ ਅਤੇ ਲੱਦਾਖ ਵਿੱਚ ਵੀ ਹਿਲਜਲ
ਐਤਵਾਰ ਸਵੇਰੇ ਭਾਰਤ ਵਿੱਚ ਵੀ ਦੋ ਵੱਖ-ਵੱਖ ਥਾਵਾਂ ‘ਤੇ ਭੂਚਾਲ ਦਰਜ ਕੀਤੇ ਗਏ।
ਕਰਨਾਟਕ ਵਿੱਚ ਸੁਬਾਹ 3:47 ਵਜੇ 3.1 ਤੀਬਰਤਾ ਵਾਲਾ ਭੂਚਾਲ ਦਰਜ ਕੀਤਾ ਗਿਆ, ਜਿਸਦਾ ਕੇਂਦਰ ਸਿਰਫ਼ 5 ਕਿਲੋਮੀਟਰ ਦੀ ਡੂੰਘਾਈ ‘ਤੇ ਸੀ।
ਲੱਦਾਖ ਵਿੱਚ 7:30 ਵਜੇ 3.6 ਤੀਬਰਤਾ ਵਾਲਾ ਭੂਚਾਲ ਆਇਆ, ਜਿਸਦਾ ਕੇਂਦਰ 10 ਕਿਲੋਮੀਟਰ ਹੇਠਾਂ ਸੀ।
ਖੁਸ਼ਕਿਸਮਤੀ ਨਾਲ ਕਿਸੇ ਜਾਨੀ ਨੁਕਸਾਨ ਦੀ ਖ਼ਬਰ ਨਹੀਂ
ਕੋਰਲ ਸਾਗਰ ਅਤੇ ਏਸ਼ੀਆਈ ਖੇਤਰਾਂ ਵਿੱਚ ਲਗਾਤਾਰ ਆ ਰਹੇ ਹਲਚਲ ਭੂ-ਪਲੇਟਾਂ ਦੀ ਸਰਗਰਮੀ ਵੱਲ ਇਸ਼ਾਰਾ ਕਰ ਰਹੇ ਹਨ। ਹਾਲਾਂਕਿ ਇਸ ਕੜੀ ਵਿੱਚ ਆਏ ਕਿਸੇ ਵੀ ਭੂਚਾਲ ਕਰਕੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਜਾਣਕਾਰੀ ਸਾਹਮਣੇ ਨਹੀਂ ਆਈ, ਪਰ ਲੋਕਾਂ ਵਿੱਚ ਖ਼ੌਫ਼ ਦਾ ਮਾਹੌਲ ਬਣਿਆ ਹੋਇਆ ਹੈ।
