ਜਲੰਧਰ (ਵਰੂਣ)। ਮੇਹਰ ਚੰਦ ਪੋਲੀਟੈਕਨਿਕ ਕਾਲਜ ਜਲੰਧਰ ਦੇ ਸਿਵਲ ਵਿਭਾਗ ਦੇ ਵਿਦਿਆਰਥੀਆਂ ਨੇ ਮੇਜਰ ਪ੍ਰੋਜੈਕਟ ਦੇ ਅਧੀਨ ਬਾਂਸਦੀ ਬਹੁਤ ਹੀ ਖੂਬਸੂਰਤ ਝੋਪੜੀ ਤਿਆਰ ਕੀਤੀ ਹੈ। ਪ੍ਰਿੰਸੀਪਲ ਡਾ. ਜਗਰੂਪ ਸਿੰਘ ਨੇ ਦੱਸਿਆ ਕਿ ਇਸ ਬਾਂਸ ਦੀ ਝੋਪੜੀ ਦਾ ਮਕਸਦ ਘੱਟ ਲਾਗਤ ਵਾਲੀ ਬਣਤਰ ਤਿਆਰ ਕਰਨ ਤੇ ਨਾਲ ਹੀ ਵਿਦਿਆਰਥੀਆਂ ਲਈ ਇੱਕ ਖੂਬਸੂਰਤ ਬੈਠਣ ਦੀ ਜਗਹ ਬਨਾਉਣਾ ਹੈ।
ਇਸ ਪ੍ਰੋਜੈਕਟ ਦਾ ਵਿਚਾਰ ਵਿਦਿਆਰਥੀਆਂ ਨੂੰ ਸੀ.ਬੀ.ਆਰ.ਆਈ. ਰੁੜਕੀ ਦੌਰੇ ਦੁਰਾਨ ਆਇਆ। ਜਿਥੇ ਕਿ ਲੋਕਾਂ ਨੂੰ ਇਸ ਤਰਾਂ ਦੇ ਘੱਟ ਲਾਗਤ ਵਾਲੇ ਘਰ ਤਿਆਰ ਕਰਨ ਨੂੰ ਉਤਸਾਹਿਤ ਕੀਤਾ ਜਾਂਦਾ ਹੈ। ਇਸ ਪ੍ਰੋਜੈਕਟ ਨੂੰ ਤਿਆਰ ਕਰਨ ਲਈ ਕੁਲ ੩੦ ਹਜ਼ਾਰ ਰੁਪਏ ਦਾ ਖਰਚਾ ਹੈ ਤੇ ਇਸ ਤਰਾਂ ਦੀਬਣਤਰ ਜੇ ਸੀਮੈਂਟ ਤੇ ਇਟਾਂ ਦੀ ਚਿਣਾਈ ਨਾਲ ਬਣਾਈ ਜਾਂਦੀ ਤਾਂ ਤਿੰਨ ਗੁਣ ਵੱਧ ਖਰਚਾ ਆਉਣ ਸੀ।
ਇਸ ਪ੍ਰੋਜੈਕਟ ਵਿਦਿਆਰਥੀਆਂ ਨੇ ਰਾਜੀਵ ਭਾਟੀਆ ਮੁੱਖੀ ਸਿਵਲ ਵਿਭਾਗ,ਰਾਜੇਸ਼ ਕੁਮਾਰ ਅਤੇਸ੍ਰੀ ਕਨਵ ਮਹਾਜਨ ਲੈਕਚਰਾਰ ਦੀ ਦੇਖ ਰੇਖ ਹੇਠ ਬਣਾਇਆਂ ਹੈ। ਇਸ ਨੂੰ ਤਿਆਰ ਕਰਨ ਲਈ ਬਾਂਸ ਤੇ ਸੇਬੇ ਦੀ ਪੁਰਾਣੀ ਤਕਨੀਕ ਵਰਤੀ ਗਈ। ਇਸ ਦੀ ਖੂਬਸੂਰਤ ਦੇਖ ਦਿਆ ਹੀ ਬਣਦੀ ਹੈ। ਸਭ ਤੋਂ ਵੱਡੀ ਗੱਲ, ਇਹ ਪ੍ਰੋਜੈਕਟ ਵਾਤਾਵਰਣ ਦੇ ਅਨੁਕੂਲ ਹੈ। ਪ੍ਰਿੰਸੀਪਲ ਡਾ. ਜਗਰੂਪ ਸਿੰਘ ਨੇ ਇਸ ਪ੍ਰੋਜੈਕਟਲਈ ਸਮੁੱਚੇ ਸਿਵਲ ਵਿਭਾਗ ਤੇ ਸਟਾਫ ਅਤੇ ਵਿਦਿਆਰਥੀਆਂ ਵਧਾਈ ਦਿੱਤੀ।
